ليصلك جديد المدونة
كيف تصعدين فوق العمارية في خمس دقائق ^^
14:12 | 
مرسلة بواسطة
VaNaGaS
بسم الله الرحمن الرحيم
أهلاً و سهلاً بالجنس اللطيف و يا لطيف
غير سمعتوا العمارية و دخلتوا 
لا لا ماشي عليكم أنا عيني في الرجال آش جابكم تانتوما بغيتو طلعوا 
المهم مرحبا بكم جميع لأن الأمر يخص الجميع
البارح و أنا أخيط الدروب و الزناقي شفت منظر استفزني و هو منتشر منذ سنوات لكن على ما أظن أن
هذا العام هناك شيء إستثنائي ، غير دازت ليلة القدر و كل واحد جبد مكبرات الصوت و آلات ألتصوير و دبر
على عمارية و كرسي العرسان و دار خزانة و أطلق الشانيني و الجرة 
ما زال حتى رمضان ما سالا الله يستر
القضية بسيطة ، طفلات صغار كيتصورو جالسين في العمارية أو في كرسي العرسان ما فيها باس
واقيلا أنا لي معقد أو كنتامي للسلفية .... / آش دانا لشي جهادية 
لكن سأثبت لكم العقد التي تعاني منها شريحة لا يستهان بها و خصوصاً النساء 
الفرشة بدات 
شحال من مرة كنلقى العيالات كعاودو الكاسيط ديال العرس بزاف ديال المرات كأنهن أصبن بالزهايمر
و في الطلعة ديال العمارية منعودش لك تجمد العيون و توقف السمع 
وخا يوقع زلزال تاوحدا ما تنوض 
وخا يوقع زلزال تاوحدا ما تنوض جيب ليهم القردافي غاع مكينش لي ديها فيه 
واحد المرة عاودتلي الوليدة شي وحدة مادرتش العرس لظروف مادية و بقت فيها الحرقة ديال العمارية
آش دارت
استغلت سبوع ديال ولدها و جابت العمارية و طلعت فوق منها حتى شبعت بقى ليها غير تديها معها تولي تنعس فيها
و المصيبة كون ملقاتش هاد الفرصة يمكن يتخلخل ليها الدماغ
كل هذا يعيدنا إلى موضوعنا الأول و هو هاد العادة لي غادة تكون سباب في تعقد الطفلات الصغار ملي كبروا
كأن الطفلة منذ الصغر لا ينتظرها شيء سوى الصعود فوق العمارية و الزواج
مفاهيم خطيرة تزرع في عقول الطفلات و إختزال لدور النساء و النتيجة كما نسمع يمكن تغرق والديها في الكريدي
باش تطلع فوق العمارية
ليلة واحدة كتساوي الملاين 
دابا يمكن لأي واحدة تطلع العمارية و تهني باها أو باباها من الكريدي مستقبلاً
سمحوا لي خمس دقائق ونرجع ، غادي نطلع حتى أنا فوق العمارية 
و نحيد اللهفة من دابا
و نحيد اللهفة من دابايمكن الأزمة الإقتصادية تضربني و نصدق معقد 
